Kringluvatn í Reykjahverfi

Kringluvatn er í Reykjahverfi á milli Mývatns og Húsavíkur. Í vatninu er bæði urriði og bleikja og jafnvel stöku lax. Kringluvatn er hluti af hinu víðfeðma vatnakerfi Laxár í Aðaldal. Úr vatninu rennur Kringlugerðisá, sem sameinast Geitafellsá og rennur í Langavatn. Þaðan rennur Mýrarkvísl niður í Laxá og áfram til sjávar. Á veturna er góð dorgveiði í vatninu.

Góð meðalstærð er í vatninu, slatti af 45 – 50 cm og við heyrum reglulega sögur af urriðum í yfir stærð.

Veiðisvæðið:

Leyfilegt er að veiða í öllu vatninu.

Veiðireglur:

Allt löglegt agn er leyft.

Leyfilegt er að hirða allan fisk sem veiðist, en veiðimenn eru þó beðnir um að sleppa stærri urriðum.

Veiðitímabilið er frá 1. janúar til 20. október.

Daglegur veiðitími er frá kl. 06:00 til 24:00.

Veiðihús:

Möguleiki er á að fá gistingu á Geitafelli sjá nánar hér https://www.facebook.com/Geitafell-road-87-103918053588533/

Veiðitímabil:

Allt árið.

Skilmálar:

Veiðileyfi fást ekki endurgreidd. Kaupandi skuldbindur sig til að skrá alla veiði samviskusamlega í veiðibók á AnglingIQ

Annað:

Mikið grisjunarstarf hefur verið unnið í Kringluvatni síðustu ár með góðum árangri. Bleikjan hefur náð sér á strik á ný og veiðast nú bleikjur sem teljast góður matfiskur. Áfram verður haldið að grisja vatnið og geta veiðimenn því búist við að sjá net á vatninu í einstaka tilfellum.

Skráning í veiðibók fer fram í AnglingIQ appinu.