Laxá í Aðaldal – Presthvammur

2 stanga svæði með urriðaveiði á heimsmælikvarða og laxavon!

Presthvammur er austurbakki efsta hluta urriðasvæðanna neðan virkjunnar í Laxá í Aðaldal.  Mjög skemmtilegt urriða svæði með mikilli náttúrufegurð og hreint frábært þurrflugusvæði þegar veður leyfir.

Veiðisvæðið:

Veiðimenn sjá sjálfir um að skipta svæðinu sín á milli.

Veiðireglur:

Seldar eru 2 stangir, hálfan dag í senn.

7-13 og 16-22 en eftir 15. ágúst 7-13 og 15-21.

Fluga eingöngu

Sleppa þarf öllum laxi en 2 fiska kvóti er á urriða á stöng á hálfum degi.

Veiðihús:

Gisting í kofa með rennandi vatni og salerni er innifalin.  Í kofanum eru áhöld þess að hita og neyta matar. Þar eru tvö rúm og hægt er að tjalda eða setja upp tjaldvagn innan girðingar við veiðikofann.  Veiðimönnum er bent á gistingu í nærliggjandi gistihúsum, Þinghúsinu, sími 464 3695, Gistihúsinu Brekku, sími 899 4218 ef menn vilja hafa meiri þægindi.

Veiðibókin er á staðnum.

Veiðitímabil:

Veiðitímabil hefst 1. apríl og því líkur 20. september.

Annað:

Bátur er á svæðinu og skal það ítrekað að öll notkun hans er á ábyrgð veiðimanna sjálfra og eru menn beðnir um að fara gætilega við notkun hans. Þá skal það tekið fram að oft getur verið talsvert slýrek í ánni, sérstaklega síðsumars og þá verða steinar hálir og skyggni í vatninu slakt. Ástæða er til þess að biðja veiðimenn að fara varlega við slíkar aðstæður.

Skilmálar:

Skilmálar Veiðileyfi fást ekki endurgreidd. Kaupandi skuldbindur sig til að skrá alla veiði samviskusamlega í þar til gerða veiðibók.